Xitoydan buyurtma berish uchun ilovalar: Taobao, Pinduoduo, 1688 va Poizon — qaysi biri sizga mos

Qaysi ilova kimga mos — qisqa javob

Bitta ilovaga bog‘lanib qolish shart emas: bir xil narsani Taobao va Pinduoduoda rasm orqali qidirib, narxini solishtirish foydali. DTD manzili hamma ilovada bir xil ishlaydi.

Kargo orqali xarid qanday ishlaydi

1. 1

   DTD ID va Xitoy manzilini oling

   Telegram botimizda ro‘yxatdan o‘ting — ID raqam darhol chiqadi, «✈️ Avia manzil» va «🚚 Avto manzil» tugmalari manzilni ID ingiz bilan beradi.

2. 2

   Ilovada o‘zingiz xarid qiling

   Taobao, Pinduoduo, 1688 yoki Poizon’da mahsulotni tanlab, yetkazish manziliga DTD Xitoy omborini yozasiz va mahsulot pulini ilovaning o‘ziga to‘laysiz.

3. 3

   Yuk omborimizdan eshigingizgacha

   Yuk Xitoy omborimizga kelgach avia (4–7 kun) yoki avto (20–25 kun) bilan O‘zbekistonga keladi. Kargo haqi og‘irlik bo‘yicha, yuk Toshkentda tortilgandan keyin to‘lanadi.

Taobao (淘宝) — eng katta tanlov

Xitoyning eng katta onlayn bozori: kiyim, poyabzal, uy-ro‘zg‘or, aksessuarlar — deyarli hamma narsa bor. Brendlarning rasmiy do‘konlari uning Tmall (天猫) bo‘limida.

• Ilova: App Store va Google Play’da bor, sozlamalarda inglizcha interfeys bor.
• To‘lov: Visa, Mastercard yoki Alipay. Chet el kartasi bilan ¥200 dan oshgan to‘lovga odatda 3% komissiya qo‘shiladi.
• Kamchiligi: bir mahsulotni o‘nlab do‘kon sotadi — sotuvchini tanlashni bilish kerak.
• Kargo tarifi: oddiy tovar — avia 9.49 $/kg dan, Tmall’dagi brend tovar — brend tarifi.

Taobao’ning o‘z xalqaro yetkazishi ham bor, lekin u hamma sotuvchi va hamma tovar uchun ishlamaydi. Ko‘pchilik xaridorlar shu sababli kargo omboridan foydalanadi.

Pinduoduo (拼多多) — arzon kundalik buyumlar

Narxi bilan mashhur: kundalik buyumlar, uy-ro‘zg‘or, bolalar kiyimi ko‘pincha Taobao’dagidan arzonroq. «拼单» (guruh xaridi) tugmasi bilan narx yana tushadi.

• Ilova: faqat xitoycha. iPhone’da App Store’da bor, Android’da 2023-yildan Google Play’da yo‘q — faqat rasmiy pinduoduo.com saytidan.
• Ro‘yxat: +998 raqam va SMS kod bilan.
• To‘lov: Visa yoki Mastercard — Pinduoduo 3% komissiya qo‘shadi (eng kami ¥2). Humo, Uzcard va Apple Pay ishlamaydi.
• Kamchiligi: brend nomi bilan juda arzon sotilayotgan tovar ko‘pincha nusxa bo‘ladi. Original kerak bo‘lsa — «百亿补贴» bo‘limi yoki rasmiy do‘kon.

1688 — ulgurji va zavod narxi

1688 — Alibaba’ning Xitoy ichidagi ulgurji bozori. Bu yerda zavodlar va ulgurji sotuvchilar savdo qiladi, shuning uchun narx dona soni oshgani sari tushadi. U ko‘proq Instagram va Telegram do‘konlari hamda bozor sotuvchilari uchun qulay.

• Minimal partiya: mahsulot sahifasidagi «起批» yoki «起订» — shuncha donadan kam sotilmaydi. Ba’zi sotuvchilar 1 donadan ham sotadi («1件起批»).
• Narx pog‘onalari: sahifada bir nechta narx turadi — masalan 2–49 dona, 50–199 dona, 200 dan ko‘p.
• Ilova va to‘lov: xitoycha; 1688 ga Taobao hisobingiz bilan kirish mumkin. Xorijiy Visa/Mastercard ba’zi tovarlarda o‘tadi, lekin kafolat yo‘q — to‘lov sahifasida tekshiring.
• Sotuvchi bilan gaplashish: ulgurjida rang, o‘lcham va qadoqni oldindan kelishib olish odatiy hol.
• Kargo tarifi: bir xil tovardan bir nechta dona — seriya tarifi: avia 11.5 $/kg, avto 7.5 $/kg.

Sotish uchun olsangiz, narxni oldindan hisoblang: tovar, to‘lov komissiyasi va kargo birga — tannarx maqolasi va kalkulyator. Sotuvchiga yozish uchun tayyor xitoycha jumlalar — alohida maqolada.

Poizon (得物 Dewu) — original brend krossovka va kiyim

Dewu (得物) — brend krossovka, kiyim va aksessuarlar bozori. Uning asosiy farqi: tovar xaridorga jo‘natilishidan oldin platformaning o‘zida haqiqiyligi tekshiriladi («先鉴别，后发货» — avval tekshiruv, keyin jo‘natish).

• Ikki xil ilova: xitoycha Dewu (得物) va xalqaro POIZON. Narx, to‘lov va yetkazish shartlari ularda farq qiladi. Xitoy ichida yetkazadigan Dewu bilan DTD manzili ishlatiladi.
• To‘lov: xorijiy karta har doim ham o‘tavermaydi — xarid qilishdan oldin to‘lov sahifasida tekshiring.
• Kargo tarifi: brend tovar — avia 13 $/kg, avto 7.5 $/kg. Krossovka qutisi bilan tortiladi, shuning uchun og‘irlik qutisiz tovardan ko‘proq chiqadi.

AliExpress va Temu-chi?

AliExpress O‘zbekistonga o‘zi yetkazadi — kargo manzili kerak emas. Bir xil tovar u yerda ko‘pincha Taobao yoki Pinduoduo’dagidan qimmatroq, chunki narxga xalqaro yetkazish qo‘shilgan. 2026-yil avgustidan ba’zi O‘zbekiston banklari AliExpress’ga Visa va Mastercard to‘lovini o‘tkazmayapti: platforma O‘zbekistonda soliq ro‘yxatidan o‘tmagan, rasmiy bloklash qarori esa yo‘q. To‘lashdan oldin bankingizdan so‘rang.

Temu — Pinduoduo egasining xalqaro platformasi. O‘zbekistonda u 2025-yil 20-martdan bloklangan: platforma mahalliy ro‘yxatdan o‘tish talabini bajarmagan. 2026-yil mart holatida soliq qarzi sababli blok hali olib tashlanmagan.

To‘lov, til va minimal buyurtma — bitta jadvalda

Qaysi birini tanlash kerak: 4 ta vaziyat

• Birinchi marta, o‘zingizga 1–2 narsa — Taobao: tanlov katta, interfeysni inglizchaga o‘tkazish mumkin. Batafsil — Taobao qo‘llanmasi.
• Arzon kundalik buyumlar, uy-ro‘zg‘or, bolalar kiyimi — Pinduoduo. Batafsil — Pinduoduo qo‘llanmasi.
• Do‘koningiz uchun bir xil tovardan 20–100 dona — 1688 va seriya tarifi. Avval bitta namuna oling.
• Original Nike, Adidas yoki boshqa brend — Poizon (Dewu) yoki Tmall’dagi rasmiy do‘kon; kargoda brend tarifi.

Hamma ilova uchun bitta qoida: manzil va ID

DTD Xitoy manzili hamma ilovada bir xil. Uni botdan olasiz va har bir ilovaga bir marta saqlaysiz. DTD ID raqamingiz ikki joyda turishi shart — ism qatorida ham, manzil qatorida ham. Avto bilan olib kelmoqchi bo‘lsangiz, ikkala qator oxirida «(By land)» qoladi.

• Taobao — video darslik
• Pinduoduo — video darslik
• 1688 — video darslik

Kargo narxi ilovaga emas, og‘irlik va tarifga bog‘liq

Muddat yuk Xitoy omborimizga yetgan kundan hisoblanadi. Katta, lekin yengil buyumlar (o‘yinchoq, stul, plastmassa idish) hajmiga qarab hisoblanadi. Barcha narxlar — tariflar sahifasida, tovar bilan birga hisoblash — kalkulyatorda.

Qaysi ilovadan olishingizdan qat’i nazar, taqiqlangan tovarlar ro‘yxati bir xil: telefon, kompyuter, planshet, dori, vitamin va BAD, oziq-ovqat olib kelinmaydi, atir va powerbank faqat avto bilan. To‘liq ro‘yxat — bojxona sahifasida.