Xitoylik sotuvchi bilan muammolarning ko‘pi bitta to‘g‘ri yozilgan xabar bilan hal bo‘ladi. Lekin sotuvchilarning aksariyati faqat xitoycha tushunadi, tarjimon esa ko‘pincha g‘alati jumla chiqaradi. Quyida eng ko‘p kerak bo‘ladigan vaziyatlar uchun tayyor xitoycha xabarlar — o‘zbekcha ma’nosi bilan. Nusxalang, kerak bo‘lsa raqamni o‘zgartiring va sotuvchiga yuboring.
Qisqacha
- Sotuvchiga mahsulot sahifasidagi yoki buyurtmadagi «客服» (mijozlar xizmati) tugmasi orqali yoziladi.
- Qisqa jumla + rasm = tez javob. «您好» (salom) bilan boshlab, «谢谢» (rahmat) bilan tugating.
- Yuk Xitoy omborimizga yetib kelmagan bo‘lsa, bekor qilish va qaytarish ilovada, do‘kon bilan hal qilinadi.
- Yuk qo‘lingizga tekkuncha «确认收货» (qabul qildim) tugmasini bosmang.
Mundarija
Sotuvchiga qayerdan yoziladi
- Taobao — mahsulot sahifasining pastki chap qismidagi «客服» tugmasi. Buyurtmadan keyin: buyurtmani oching → «联系卖家» yoki «联系客服».
- 1688 — mahsulot sahifasidagi «旺旺» yoki «客服» tugmasi.
- Pinduoduo — mahsulot yoki buyurtma sahifasidagi «客服» tugmasi.
Tez javob olish uchun
Bitta xabarda bitta savol yozing va rasm qo‘shing. Xitoy Toshkentdan 3 soat oldinda: bizda soat 15:00 bo‘lsa, u yerda 18:00. Sotuvchi javobini telefoningizdagi tarjimon yoki Google Lens bilan o‘qiysiz.
Xarid qilishdan oldin
您好，我身高170厘米，体重65公斤，平时穿M码。请问这件选哪个尺码合适？谢谢！Ma’nosi: Salom, bo‘yim 170 sm, vaznim 65 kg, odatda M o‘lcham kiyaman. Bu mahsulotdan qaysi o‘lchamni tanlasam to‘g‘ri keladi? Rahmat!
您好，可以发一下这件商品的实物图或者视频吗？谢谢！Ma’nosi: Salom, shu mahsulotning haqiqiy rasmini yoki videosini yubora olasizmi? Rahmat!
您好，这款有现货吗？下单后多久能发货？Ma’nosi: Salom, bu mahsulot hozir bormi? Buyurtma bergandan keyin qancha vaqtda jo‘natasiz?
Buyurtma berdingiz, lekin hali jo‘natilmagan
您好，我的订单还没有发货，请问什么时候能发？麻烦尽快安排发货，谢谢！Ma’nosi: Salom, buyurtmam hali jo‘natilmadi. Qachon jo‘natasiz? Iltimos, imkon qadar tezroq jo‘nating, rahmat!
您好，我拍错了，麻烦帮我把尺码改成L码，颜色改成黑色。还没发货的话请帮忙修改，谢谢！Ma’nosi: Salom, noto‘g‘ri tanlab qo‘ydim. Iltimos, o‘lchamni L ga, rangni qora rangga o‘zgartiring. Hali jo‘natilmagan bo‘lsa, o‘zgartirib bering, rahmat!
您好，发货的时候麻烦不要放鞋盒，直接用快递袋包装就可以，谢谢！Ma’nosi: Salom, jo‘natishda poyabzal qutisini qo‘ymang, oddiy paketga solsangiz bo‘ladi, rahmat!
Kargo haqi og‘irlikka qarab olinadi, poyabzal qutisi esa yukka sezilarli og‘irlik qo‘shadi. Sovg‘a qilmoqchi bo‘lsangiz yoki qutisi kerak bo‘lsa, bu xabarni yubormang. Narx qanday hisoblanishi — tariflar sahifasida.
您好，这是易碎品，麻烦包装得结实一点，多加一些泡沫，谢谢！Ma’nosi: Salom, bu tez sinadigan mahsulot. Iltimos, mustahkamroq qadoqlang, ko‘proq ko‘pik qo‘ying, rahmat!
Nozik mahsulot uchun botimizda «📦 Karobka bilan yetkazish» ham bor: trek raqamni kiritsangiz, Xitoy omborimiz mahsulotni karobkasi bilan jo‘natadi.
您好，我不想要了，想取消这个订单，请不要发货，谢谢。Ma’nosi: Salom, fikrimdan qaytdim, bu buyurtmani bekor qilmoqchiman, iltimos, jo‘natmang, rahmat.
Buyurtma hali jo‘natilmagan bo‘lsa, ilovadagi «申请退款» (pulni qaytarishni so‘rash) tugmasi bilan ham bekor qilish mumkin — xabar esa jarayonni tezlashtiradi.
Yetkazishda muammo bo‘lsa
您好，请问这个订单的快递单号是多少？谢谢！Ma’nosi: Salom, bu buyurtmaning trek raqami qanday? Rahmat!
您好，我的包裹物流信息已经好几天没有更新了，麻烦帮我查一下现在在哪里，谢谢！Ma’nosi: Salom, posilkamning yetkazish ma’lumoti bir necha kundan beri yangilanmayapti. Iltimos, hozir qayerdaligini tekshirib bering, rahmat!
您好，物流显示已经签收了，但是仓库说没有收到这个包裹。麻烦帮忙联系快递公司核实一下，谢谢！Ma’nosi: Salom, logistikada «qabul qilindi» deb ko‘rsatilgan, lekin ombor bu posilkani olmaganini aytyapti. Iltimos, yetkazib berish kompaniyasi bilan tekshirib bering, rahmat!
Bu xabarni yuborishdan oldin yuk haqiqatan kelmaganini aniqlang: trek raqamni trek.d2d.uz da tekshiring yoki operatorimizga yuboring. Ba’zan yuk omborga kelgan bo‘ladi, lekin manzildagi ID xato bo‘lgani uchun hisobingizga tushmagan — buning yechimi boshqa (manzil xatolari).
Mahsulot noto‘g‘ri yoki shikastlangan bo‘lsa
Bu yerda eng muhimi — yuk hozir qayerda turgani:
- Yuk Xitoy omborimizga hali yetib kelmagan — qaytarish va pulni qaytarish ilovada, do‘kon bilan hal qilinadi. Bu siz bilan do‘kon o‘rtasidagi masala.
- Yuk omborimizga kelib bo‘lgan yoki qo‘lingizda — do‘konga qaytarish qiyinlashadi. Jiddiy holatda (buzuq yoki umuman boshqa mahsulot) operatorimizga trek raqam, DTD ID, mahsulot rasmi va sababni yuboring — imkoniyatni ko‘rib chiqadi. Ko‘pincha esa qisman pul qaytarishni so‘rash osonroq.
您好，我收到的商品和我买的不一样，尺码和颜色都不对，照片发给您了。请问怎么处理？Ma’nosi: Salom, kelgan mahsulot men sotib olganimga o‘xshamaydi — o‘lchami ham, rangi ham noto‘g‘ri, rasmini yubordim. Buni qanday hal qilamiz?
您好，商品收到的时候有破损，照片发给您了。我在国外，退货很不方便，可以给我部分退款吗？谢谢！Ma’nosi: Salom, mahsulot shikastlangan holda keldi, rasmini yubordim. Men chet eldaman, qaytarib yuborish juda noqulay. Pulning bir qismini qaytarib bera olasizmi? Rahmat!
Ilovadagi uchta tugma
«申请退款» — pulni qaytarishni so‘rash. Uning ichida «仅退款» — faqat pul qaytarish (tovar qaytarilmaydi) va «退货退款» — tovarni qaytarib, pulni olish. Chet eldan tovarni qaytarish qimmat, shuning uchun odatda «仅退款» yoki qisman qaytarish so‘raladi.
Foydali so‘zlar lug‘ati
| Xitoycha | Ma’nosi |
|---|---|
| 发货 | Jo‘natish |
| 物流 | Yetkazish ma’lumoti (logistika) |
| 快递单号 / 运单号 | Trek raqam |
| 签收 | Qabul qilindi |
| 包邮 | Xitoy ichida bepul yetkazish |
| 现货 | Hozir mavjud |
| 尺码 / 颜色 | O‘lcham / rang |
| 退款 / 退货 | Pulni qaytarish / tovarni qaytarish |
| 确认收货 | Qabul qilganimni tasdiqlayman |
| 延长收货 | Qabul qilish muddatini uzaytirish |
«确认收货» ni shoshib bosmang
Bu tugma sotuvchiga pulni o‘tkazadi — keyin nizo ochish qiyinlashadi. Platforma ma’lum muddatdan keyin qabulni o‘zi tasdiqlaydi. Yuk hali yo‘lda bo‘lsa, buyurtmadagi «延长收货» bilan bu muddatni uzaytiring.
Ko‘p so‘raladigan savollar
Sotuvchi javob bermasa nima qilaman?
Xitoy vaqti bilan ish vaqtini kuting — u Toshkentdan 3 soat oldinda. Bir kun ichida javob bo‘lmasa, buyurtmadagi «申请退款» orqali rasmiy so‘rov yuboring: bunday so‘rovni platforma kuzatadi va sotuvchi belgilangan muddatda javob berishi kerak.
Rus yoki ingliz tilida yozsam bo‘ladimi?
Ba’zi yirik do‘konlar inglizcha tushunadi, lekin ko‘pchilik sotuvchi faqat xitoycha o‘qiydi. Qisqa xitoycha jumla deyarli har doim tezroq va aniqroq javob beradi.
Pulni qaytarish uchun Door to Door’ga murojaat qilishim kerakmi?
Buyurtmani bekor qilish va pulni qaytarish siz bilan do‘kon o‘rtasida, platformaning o‘zida hal qilinadi — kargo kompaniyasi bu pulga aloqador emas. Yuk omborimizga kelib bo‘lgan bo‘lsa va qaytarish kerak bo‘lsa, operatorimizga yozing: vaziyatni ko‘rib chiqadi.
Mahsulot omboringizga keldi, lekin boshqa narsa chiqdi. Qaytarsa bo‘ladimi?
Jiddiy holatda — buzuq yoki umuman boshqa mahsulot — qaytarish imkoni ko‘rib chiqiladi. Operatorimizga trek raqam, DTD ID, mahsulot rasmi va sababni yuboring. Oldindan kafolat berib bo‘lmaydi, shuning uchun sotuvchidan qisman pul qaytarishni so‘rash ko‘pincha tezroq yechim bo‘ladi.
Uch qadamda birinchi buyurtmangizga tayyor bo‘lasiz
Hammasi Telegram bot orqali: ID oling, Xitoy manzilini nusxalang va xarid qiling. Qolganini — Xitoy omboridan eshigingizgacha — biz qilamiz.
- Ro‘yxatdan o‘tish
1. DTD ID oling
Botda «📝 Ro‘yxatdan o‘tish» ni bosing. Pasport ma’lumotlari bojxona uchun kerak. ID darhol beriladi, tasdiqlangach 5 DUR sovg‘a.
- Manzilni olish
2. Xitoy manzilini oling
Botdagi «✈️ Avia manzil» yoki «🚚 Avto manzil» ni bosing va manzilni Taobao, 1688 yoki Pinduoduoga nusxalang.
- Yukni kuzatish
3. Xarid qiling va kuzating
Yuk omborimizga yetgach bot xabar beradi. Trek raqam bo‘yicha holatini istalgan payt ko‘rasiz.
- 2021-yildan ishlaymiz
- 10 800+ mamnun mijoz
- 11 viloyatda filial
Keyingi qadam uchun o‘qing
Taobaodan qanday buyurtma beriladi: O‘zbekistondan to‘liq qo‘llanma
Taobaodan O‘zbekistonga xarid qilish bosqichma-bosqich: sotuvchini tanlash, Xitoy ombor manzili, to‘lov, trek raqam va kargo narxini hisoblash.
O‘qish
Xitoy ombor manzilini Taobao, 1688 va Pinduoduoga qanday kiritish kerak
Xitoy ombor manzilini Taobao, 1688 va Pinduoduoga to‘g‘ri kiritish: DTD ID qayerga yoziladi, avia va avto farqi, 8 ta keng tarqalgan xato.
O‘qish